ՀԱՅԿԱԿԱՆ ԱԿՆԱԲՈՒԺՈՒԹՅԱՆ ՆԱԽԱԳԻԾ
Հայկական ակնաբուժության նախագծի
(ՀԱՆ)  առաքելությունն է կանխարգելել
ձեռքբերովի կուրությունը
Հայաստանում:
ԼՈՒՅՍ ՀԱՅԻ ԱՉՔԵՐԻՆ ԾՐԱԳԻՐԸ
ՀՀ-ում հիմնադրվելով որպես <<Հայկական ակնաբուժության նախագիծ>> բարեգործական հիմնադրամ`ՀԱՆ-ը, սկսած 2003 թ.,
իրականացնում է <<Լույս հայի աչքերին>> ծրագիրը, որն ուղղված է Հայաստանում ակնաբուժական ծառայությունների
բարելավմանը և ձեռքբերովի կուրության կանխարգելմանը: Ծրագիրն իր հիմնական նպատակն իրագործում է հինգ շաղկապված
ուղղություններ-բաղադրիչներով`

բնակչության ակնային լայնատարած զննումներ և բուժօգնություն,
տվյալների վերլուծություն և գիտահետազոտական աշխատանքներ,
բժշկական ուսուցում և վերապատրաստում,
հանրային ուսուցում և իրազեկում,
կարողությունների զարգացում:

Սփյուռքից, տարբեր հովանավորներից ստացվող հանգանակությունների շնորհիվ  ՀԱՆ-ի ակնաբուժական խմբերը և աչքի շարժական հիվանդանոցը պարբերաբար շրջայցեր են կատարում ՀՀ բոլոր մարզերում ու Երևանում` իրականացնելով ակնային
զննումներ, խորացված հետազոտություններ ու միջամտություններ:

<<Լույս հայի աչքերին>> ծրագիրը 2003 թ. հունիսից մինչև 2011 թ. սեպտեմբեր ընդհանուր առմամբ ունեցել է
հետևյալ արդյունքները.

ՀՀ ամμողջ տարածքում 295,340 մարդ ՀԱՆ-ի ակնային զննում է անցել իր կամ մոտակա համայնքում (ներառյալ 131,613
երեխա):
32,318 մարդ անցել է խորացված հետազոտություն ԱՇՀ-ում:
13,972 մարդ ԱՇՀ-ում վիրահատվել կամ լազերային բուժում է ստացել:
Պատրաստվել ու անվճար տրամադրվել է 42,755 ակնոց:
Ստեղծվել է ՀԱՆ-ի μժշկական խմբերի կողմից զննված բնակչության տվյալների շտեմարան, որի գիտահետազոտական
վերլուծությունն ու ամփոփումը հնարավորություն է տվել գնահատելու ՀՀ-ում μնակչության ակնային հիվանդությունների ու
տեսողության խաթարումների տարածվածությունը:
Վերապատրաստվել է 2,000 բուժաշխատող, այդ թվում` ակնաբույժներ, ընտանեկան բժիշկներ և ակնաբուժական քույրեր
ՀՀ մարզերից և Երևանի պոլիկլինիկաներից:
Բաժանվել է 513,156 տեղեկատու գրքույկ:
Անցկացվել է հանրային կրթության 378 դասընթաց` 9,800 երեխաների և 900 մեծահասակների համար:

ՀԱՆ-ն արդեն հինգերորդ շրջայցն է իրականացնում Հայաստանում: Ըստ նախնական ծրագրի` 2012 թ. ՀԱՆ-ը կայցելի հետևյալ մարզեր. Արարատ` մարտ-մայիս, Վայոց Ձոր` հունիս, Սյունիք` հուլիս, Արմավիր`
սեպտեմբեր- հոկտեմբեր: Հուլիս-օգոստոս ամիսներին հնարավոր է նաև
այցելություն ԼՂՀ:
© 2010-2012 Հայկական ակնաբուժության նախագիծ I Այգեստան 5–րդ փողոց, տուն 7, 0070 Երևան, ՀՀ I հեռ: (+37410) 55 90 68
I ֆաքս:  (+37410) 57 76 94 I էլ-փոստ: info@eyecareproject-armenia.com
Կայք: www.eyecareproject-armenia.com